Já, eitt núll, nafni minn.

Já, láttu þá bara heyra það nafni.  Það er verið að hrekja þá burtu sem hafa rödd sem segir eitthvað annað en það sem þægilegt þykir innan hreyfingarinnar.  Stattu þig og stattu á þínu eins og þú hefur gert :-)

Áfram Framsýn, áfram nafni, bara að  berjast.

Það má alveg heyrast að menn séu ósammála og þar er ég ósammála síðasta bloggara.  Það má alveg skemmta skrattanum ef það verkafólki í hag. 

Nafni hefur aldrei talað gegn hagsmunum verkafólks og hananú.

Áfram Aðalsteinn.

Nafni þinn Júlíusson

Mínir menn áfram

Já sæll og takk fyrir.    Frábær úrslit.  Nú er bara að leggja hitt bláa liðið að velli.  Kominn tími á Everton að vinna titil,  ekkert síðan 1984 ef ég man rétt.  Áfram Moyes.

Go Toffees go :-)

Everton lagði Man.Utd í vítaspyrnukeppni

Líst vel á. Loksins.

Loksins ætlar þetta að verða að veruleika að stjórnvöld sjái að sér og taki hluta af óréttlátasta kerfi sem til er á byggðu bóli og setji hluta til þjóðarinnar að nýju.  Vona að þetta geti orðið að veruleika og þeir sem lengi hafa viljað hefja rekstur trillu til að sjá sér og sínum farborða og stunda sjálfbærar og hagkvæmar fiskveiðar við strendur þessa fallega lands, geti nú hafist handa við að gera klárt.  Þó ekki fyrr en þetta er í höfn.

Tek ofan fyrir Steingrími. 

Það stóð svo ekki á "MJÁLMI" frá LÍÚ, strax farnir að láta í sér heyra á neikvæðan hátt og draga þessa ákvörðun í efa.  Þeir hafa talað máli þeirra sem fjármagnið og kvótann eiga og alltaf passað upp á "sína menn".  Það hefur aldrei mátt anda á kvótakerfið en þá hafa þeir rokið upp til handa og fóta til að verja þetta óréttlátasta og vitlaustasta kerfi sem nokkur heilvita maður hefur fundið upp á byggðu bóli.

Það er nóg af fiski í sjónum og kominn tími til þess að breyta stýringu sóknar úr þessu óréttláta ruglkerfi og í kerfi sem gerir ekki mannamun gerir Íslendingum kleift að vinna sér til matar og sjá sér og sínum farborða, þeim sem það vilja á þennan hátt, án þess að þurfa að axla klafa kvótakaupa, eins út í hött og það hefur verið undanfarið.

 Styð Steingrím í þessari ákvörðun.  1-0 fyrir sjávarútvegsráðuneytinu.

Aðalsteinn Júlíusson, Húsavík. 

Strandveiðar í stað byggðakvóta

Íslenskunámskeið fyrir fréttamenn mbl.is

Það verður að fara að setja fréttamenn mbl.is á íslenskunámskeið eða fá einhvern sem getur og treystir sér til að prófarkalesa fréttirnar áður en þær fara á netið.  Hver fréttin á fætur annarri er svo illa skrifuð að maður fær verk í "málvitundina".

Maður getur ekki skrifað:  "Honum var náð í morgunsárið", þá í miðbæ Keflavíkur".  Setningin er fáránleg hreint út sagt.

Kannski, "Hann náðist í morgun".   eða "Flóttamaðurinn náðist í miðbæ Keflavíkur í morgun".

Án þess að vera að gera miklar kröfur, þá finnst mér að fréttamenn eigi að vera vel máli farnir og geta ritað rétt og skiljanlegt mál.  Það ætti að vera krafa.  Stöndum vörð um íslenskt mál og málfar. 

Kveðjur frá Húsavík.

Gekk örna sinna á gólf kjallara

Nú er að nota tækifærið.

Nú þarf ríkisvaldið að vakna og nota tækifærið og leysa til sín veiðiheimildir, á móti skuldum sjávarútvegsfyrirtækja og stokka kerfið upp, ekki seinna en strax.  Koma samhliða á dagakerfi eða réttlátu kerfi þar sem allir eiga jafnan rétt til að sækja sjóinn.

Nú er kominn tími til að ríkisvaldið heiðri dóm Mannréttindadómstólsins og leggi af þetta ofmetnasta og ömurlegasta fiskveiðikerfi sem íslensk stjórnvöld leiddu yfir okkur fyrr á árum og er upphaf örlaga okkar í dag.

Það er kominn tími til að stokka þetta upp, eins og hvert annað bjóð, koma þessu í það horf að auðlindin verði að nýju þjóðareign en ekki á höndum örfárra útgerðarmanna sem hag hafa af því að halda heimildunum, leigja þær út til hagnaðar, eða nota þau á örfá skip sín.  Það er verið að og búið að útrýma að mestu þeim vaxtarbroddi sem felst í einstaklingsframtakinu og þeim möguleika hvers borgara að kaupa sér bát, kaupa sig, með hóflegri greiðslu eða gjaldi, inn í fiskveiðikerfi og stunda sjóinn svo sem forfeður okkar hafa gert gegn um aldirnar og haft af því lifibrauð.  Hér er svo sannarlega, nú í dag, þörf á því að menn geti snúið sér að undirstöðuatvinnuvegi þjóðarinnar, fjölskyldu sinni aðallega, en einnig þjóðinni til heilla. 

Bendi á dagakerfi Færeyinga sem dæmi, þrátt fyrir að það sé kannski ekki gallalaust þá er það heilbrigt réttlátt kerfi sem allir eiga möguleika á að notfæra sér, vilji þeir á annað borð gera þetta að atvinnu sinni.  Veðrið hérna hefur líka stýrt sókninni, amk á smábátunum.

Ég vill taka sem dæmi, sögu sem ég heyrði og tel sanna og sýnir fáránleika kerfisins og möguleika þess fyrir menn til að svindla á kerfinu, var hægt fyrir nokkrum árum, en veit ekki hvernig er nú.

"Úti á landi stóð trilla ein uppi á landi.  Skráðar voru veiðiheimildir á trilluna ákv. mörg tonn.  Veiðiskylda var/er í gildi, hægt að flytja ákv. magn milli ára en veiða þurfti ákv. magn hvert ár.  Veiða þurfti megnið kvótans amk. annað hvert ár um það bil til að uppfylla veiðiskylduna.  Það gerði eigandinn hins vegar ekki, hann fékk mann sem kunni á kerfið til að leigja inn á trilluna, m.a. rækjukvóta á Flæmska hattinum, eða úthafsrækjukvóta sem kostaði brotabrot af verði þorskkvótans.  Þetta notaði útgerðin sér til að "uppfylla veiðiskylduna" og lét rækjukvótann falla niður, en hélt þorskkvótanum og gat því framleigt þorskkvótann,  ár eftir ár eftir ár og alltaf stóð trillan uppi á landi.  Þetta sér hver heilvita maður að er óheiðarlegt, fáránlegt og maður á eiginlega ekki orð til.  Úthafsrækjukvóti á sex tonna trillu".  Svindl og svínarí.

Jæja. ég hvet stjórnvöld til að skoða þetta mál af fullri alvöru.  Það eru fleiri mál sem brenna á þjóðinni en ICESAVE  og í mörg horn að líta.

Leggjum niður kvótakerfið í núverandi mynd og tökum upp réttlátara kerfi þar sem alir hafa möguleika á því að koma að og afla sér lífsviðurværis.  Afnemum sjálftöku örfárra kvótaeigenda og rétt þeirra til að framleigja fiskinn í sjónum sem með réttu er eign þjóðarinnar.

Áfram Frjálslyndi flokkurinn sem berst hatrammlega gegn fiskveiðikerfinu.

Aðalsteinn Júlíusson, Húsavík.

Verðfall veiðiheimilda fyrirsjáanlegt

Guðlaugur! Endurskoðaðu málið.

Þetta er algjörlega ótækt Guðlaugur.  Endurskoðaðu málið.  Komdu á Norðausturhornið og prufaðu að búa hérna eitt ár og sjáðu svo til.  Hér þurfum við að hafa öfluga heilbrigðisþjónustu.  Hana höfum við í dag og viljum hana óskerta.  Þjónustuna getum við ekki nema að takmörkuðu leyti sótt til Akureyrar.  Ég ætla ekkert að kvarta yfir þjónustunni þar, þrátt fyrir að þeim sé þröngur stakkur skorinn þar eins og annars staðar í ríkisrekstrinum.  Hér getum við ekki þolað niðurskurð. 

Þú ert bara að flytja kostnaðinn yfir á okkur sem þjónustuna notum og sparnaðinn ertu að taka úr vasa starfsfólksins hérna með fækkun starfa.

Veðurfar hamlar oft flutningum og ferðum hér norður við heimskautsbaug.  Ég held að þú flytjir ekki gamla fólkið sem hér er, héðan og inn á Kristnes eins og gert var við fólkið á Seli, Akureyri.  Þangað fer enginn heimamaður.

Hugsaðu nú þinn gang og endurskoðaðu þetta, í guðanna bænum. 

Ég tek undir með starfsmönnum Heilbrigðisstofnunar Þingeyinga, sem íbúi í Þingeyjarsýslu að átelja þetta rugl í þér harðlega.

Já, ég segi rugl og stend við það :-(

Aðalsteinn Júlíusson lögreglumaður á Húsavík.

Vinnubrögðin átalin

Sameining er ekki hagræðing í reynd.

Það er löngu vitað að við sameiningar og miðstýringu þá sogast bæði fjármagn og mannafli að til þeirrar stofnunar sem stýrir.  Ég er hræddur um að þannig verði þetta með þessa sameiningu heilbrigðisstofnana á Norðurlandi.  Eins er það ljóst að sparnaðurinn verður aldrei sá sem lagt er upp með í upphafi sameiningar.   Eins tapast mannauður á þeim stofnunum sem undir högg eiga að sækja og við fækkun minnkar þjónustan, eða borgararnir þurfa að sækja þjónustuna um lengri veg.  Sem sagt, kostnaðurinn flyst til, en hættir ekki að vera til staðar.  Það er alveg jafndýrt að reka bíl á Akureyri og Húsavík, sem dæmi.   Ég vill leyfa mér að benda á sameiningu lögregluembættanna á Stór-Reykjavíkursvæðinu í þessu sambandi.  Ég fullyrði að þjónustan hefur verið skert við sameiningu lögregluembættanna, kostnaðurinn hefur verið þvingaður niður með alls kyns niðurskurði sem mest hefur komið niður á starfsfólki, þjónustu sem það veitir sem og öryggi. Þeim sem þar stjórna er vorkunn að standa frammi fyrir þessu, sem og þeim er stjórna heilbrigðisstofnunum þessa lands.  Einnig þeim stjórnendum annarra stofnana sem þurfa að sæta niðurskurði langt umfram það sem eðlilegt getur talist í hagræðingarskyni.

Þetta er áhyggjuefni, niðurskurður í þeim þáttum er lúta að öryggi borgaranna, þ.e. heilbrigðisþjónustu og löggæslu.  Að vísu er ég dulítið hlutdrægur, er lögreglumaður en mér finnst þetta ótækt með öllu.  Það er alveg ljóst í mínum huga, kostnaðinn er verið að flytja til en kostnaðurinn fellur ekki niður.  Hann flyst bara til, þá  er lýtur að þessari frétt, yfir á stofnunina, Heilbr. Norðurlands, af hinum minni heilbrigðisstofnunum hér norðan heiða.

Þetta er arfavitlaust rugl og ætti að endurskoða þegar í stað og hana nú.

Mér finnst myndin ágæt við þessa frétt, hún sýnir hæstvirtan heilbrigðisráðherra skellihlæjandi að þessu öllu eins og ekkert hefði í skorist.  Hann og ríkisstjórn þessa lands ætti að skammast sín.

Mér þykir leitt að vera ríkisstarfsmaður í dag :-(

Svæðið stórt og samlegðaráhrifin mismikil

Slysin gera ekki boð á undan sér!

Nú er tími umhleypinga, þíðu og frosts á víxl.  Mikil hætta á hálku og hálkublettum.  Farið varlega.

Smá umvöndun til fréttaritara:  Það á ekki að byrja setningar á samtengingum eins og en, og, að og svo framvegis.  Ekki heldur nota kommur á undan samtengingum.  Bara svona smá málfræðiábending.

"En fljúgandi hálka var á .............".

Áfram íslendingar.  Stöndum saman í kreppunni.  Förum varlega á öllum sviðum.

Bílvelta í Mývatnssveit