Líst vel á. Loksins.

Loksins ætlar þetta að verða að veruleika að stjórnvöld sjái að sér og taki hluta af óréttlátasta kerfi sem til er á byggðu bóli og setji hluta til þjóðarinnar að nýju.  Vona að þetta geti orðið að veruleika og þeir sem lengi hafa viljað hefja rekstur trillu til að sjá sér og sínum farborða og stunda sjálfbærar og hagkvæmar fiskveiðar við strendur þessa fallega lands, geti nú hafist handa við að gera klárt.  Þó ekki fyrr en þetta er í höfn.

Tek ofan fyrir Steingrími. 

Það stóð svo ekki á "MJÁLMI" frá LÍÚ, strax farnir að láta í sér heyra á neikvæðan hátt og draga þessa ákvörðun í efa.  Þeir hafa talað máli þeirra sem fjármagnið og kvótann eiga og alltaf passað upp á "sína menn".  Það hefur aldrei mátt anda á kvótakerfið en þá hafa þeir rokið upp til handa og fóta til að verja þetta óréttlátasta og vitlaustasta kerfi sem nokkur heilvita maður hefur fundið upp á byggðu bóli.

Það er nóg af fiski í sjónum og kominn tími til þess að breyta stýringu sóknar úr þessu óréttláta ruglkerfi og í kerfi sem gerir ekki mannamun gerir Íslendingum kleift að vinna sér til matar og sjá sér og sínum farborða, þeim sem það vilja á þennan hátt, án þess að þurfa að axla klafa kvótakaupa, eins út í hött og það hefur verið undanfarið.

 Styð Steingrím í þessari ákvörðun.  1-0 fyrir sjávarútvegsráðuneytinu.

Aðalsteinn Júlíusson, Húsavík. 

Strandveiðar í stað byggðakvóta

Athugasemdir

[Sverrir Einarsson, 17.4.2009 kl. 15:45]

Addi LÍÚ hefur sína málsvara. Ef andað er á kvótakerið þá tala þeir um að "hundruðir starfa séu í hættu", ef skila á kvótanum, hvort sem farin verður fyrningarleið eða önnur leið. Getur ekki einhver sem hittir þessa dúdda bent þeim á að það sé ekki verið að tala um að hætta að veiða fisk, en það er eina leiðin sem ég get hugsanlega séð að verði til þess að "hundruðir starfa tapist".

Hefðir alveg getað látið fylgja með myndina sem er af þér á síðunni hans Hafþórs frá 14 apríl. http://skipamyndir.123.is/ Þú ert bara skratti góð auglýsing með þessari færslu hebbði ég haldið.....eða þannig

Annars er ég eitur hress...........að vanda.