Íslenskunámskeið fyrir fréttamenn mbl.is

Það verður að fara að setja fréttamenn mbl.is á íslenskunámskeið eða fá einhvern sem getur og treystir sér til að prófarkalesa fréttirnar áður en þær fara á netið.  Hver fréttin á fætur annarri er svo illa skrifuð að maður fær verk í "málvitundina".

Maður getur ekki skrifað:  "Honum var náð í morgunsárið", þá í miðbæ Keflavíkur".  Setningin er fáránleg hreint út sagt.

Kannski, "Hann náðist í morgun".   eða "Flóttamaðurinn náðist í miðbæ Keflavíkur í morgun".

Án þess að vera að gera miklar kröfur, þá finnst mér að fréttamenn eigi að vera vel máli farnir og geta ritað rétt og skiljanlegt mál.  Það ætti að vera krafa.  Stöndum vörð um íslenskt mál og málfar. 

Kveðjur frá Húsavík.

Gekk örna sinna á gólf kjallara

Athugasemdir

[Eiður (IP-tala skráð) 3.4.2009 kl. 22:47]

Eftir minni málvitund ætti fyrirsögnin  að  vera: ,,Gekki örna sinna á  gólfi kjallara",   ekki  gólf.  Það kann þó að  vera að þetta sé   rangt hjá mér.

[Eiður (IP-tala skráð) 3.4.2009 kl. 22:49]

Gekk , --  ekki  Gekki -     ESG

[Kári (IP-tala skráð) 3.4.2009 kl. 22:57]

Eigum við að ræða visir.is eitthvað? :)

[Eygló, 3.4.2009 kl. 23:19]

í lokin stóð: "Maðurinn hélt þar við í einhvern tíma"   (við hvern ætli hann hafi haldið?  : )

[Guðrún Jónína Eiríksdóttir, 3.4.2009 kl. 23:52]

Sammála, þeir eru sennilega að flýta sér mjög mikið.

[Eygló, 4.4.2009 kl. 03:07]

Kysum við ekki aðeins færri "ekkifréttir" svo þeir hefðu tíma fyrir betur unnar FRÉTTIR?

[Ásthildur Einarsdóttir (IP-tala skráð) 4.4.2009 kl. 11:52]

Ég er hjartanlega sammála, það er eins og fólk hafi ekki tilfinningu fyrir góðu máli og rétt rituðu

klaufalegar og hreint út villandi setningar eru of algengar, verndum íslenskuna betri málkunáttu takk..

[Ólafur Þórðarson, 4.4.2009 kl. 13:25]

Vandamálið við lélegt málfar opinberra málgagna, t.a.m. í blaðagreinum og bókmenntum, er einmitt það að fólk ruglast í rýminu og veit ekki lengur hvernig á að skrifa eða hvað er rétt.  Þetta er sjálfsagt bara enn eitt einkennið á ákveðinni hnignun, en vonandi verður gert grín að þessu í framtíðinni.

Við eigum að líta á það sem eina skyldu útgefenda að tryggja gott málfar. Það kostar ekki meira en smá aðhald.

Vil bæta við að Morgunblaðsmenn eru duglegir að þýða greinar utanfrá.

[Eygló, 4.4.2009 kl. 19:40]

Við það að lesa stöðugt, og heyra, slíkan hroða er líklegt að þeir sem þó skárri eru, missi "staðfestuna"; öryggið með sína máltilfinningu, og detti sjálfir í pyttina.