Guðlaugur! Endurskoðaðu málið.

Þetta er algjörlega ótækt Guðlaugur.  Endurskoðaðu málið.  Komdu á Norðausturhornið og prufaðu að búa hérna eitt ár og sjáðu svo til.  Hér þurfum við að hafa öfluga heilbrigðisþjónustu.  Hana höfum við í dag og viljum hana óskerta.  Þjónustuna getum við ekki nema að takmörkuðu leyti sótt til Akureyrar.  Ég ætla ekkert að kvarta yfir þjónustunni þar, þrátt fyrir að þeim sé þröngur stakkur skorinn þar eins og annars staðar í ríkisrekstrinum.  Hér getum við ekki þolað niðurskurð. 

Þú ert bara að flytja kostnaðinn yfir á okkur sem þjónustuna notum og sparnaðinn ertu að taka úr vasa starfsfólksins hérna með fækkun starfa.

Veðurfar hamlar oft flutningum og ferðum hér norður við heimskautsbaug.  Ég held að þú flytjir ekki gamla fólkið sem hér er, héðan og inn á Kristnes eins og gert var við fólkið á Seli, Akureyri.  Þangað fer enginn heimamaður.

Hugsaðu nú þinn gang og endurskoðaðu þetta, í guðanna bænum. 

Ég tek undir með starfsmönnum Heilbrigðisstofnunar Þingeyinga, sem íbúi í Þingeyjarsýslu að átelja þetta rugl í þér harðlega.

Já, ég segi rugl og stend við það :-(

Aðalsteinn Júlíusson lögreglumaður á Húsavík.

Vinnubrögðin átalin

Athugasemdir

[Hólmdís Hjartardóttir, 7.1.2009 kl. 22:52]

Tek undir